"Maggie, you know me, right?" Naglabas ito ng isang sigarilyo sa suot na red pants saka iyon sinindihan. "You know exactly where I came from."
Binuga ng babae ang usok mula sa bibig nito saka marahang umikot sa gilid niya. Bawat ingay na ginagawa ng takong nito ay parang ingay ng kamay ng orasan. Pakiramdam niya, sa paghinto niyon ay magiging paghinto rin ng oras niya.
"Isa akong mahina at walang kalaban-laban na babae. Noon. But then Akigo came and rescued me. He helped me become who I am today."
Tumigil ito sa mismong harap niya at mataman siyang tinitigan sa mga mata. Paulit-ulit siyang lumunok nang hindi makayanang salubungin ang mga tingin nito.
"Ang aso, susunod lang dapat sa kaniyang amo. Ang amo ang siyang nagpapakain sa aso." Mabilis niyang kinagat ang ibabang labi upang hindi
