HINDI na nagawang kumatok ni Maui at dali na itong pumasok sa library. Natigilan naman si Andriano nang makita ang mukha ng lalaki. Halata kasi ang pagmamadali nito, maging ang pagkabahala sa hitsura.
"Sir!" Mahihimigan ito ng pinaghalong gulat at lungkot sa boses.
Naibaba niya ang hawak na libro at mataman na tumitig sa mukha ng driver. "What is it?"
"Sir!" Sa puntong iyon, nagsimula itong umiling habang unti-unting namamasa ang gilid ng mga mata.
Pakiramdam niya ay pinanlamigan siya ng buong katawan nang makita ang reaksiyon nito. Wala sa sariling napatayo siya habang hinihintay ang sasabihin ng lalaki.
"May nangyaring aksidente, sir."
Mariing kumuyom ang mga kamao niya, ngunit pinilit niyang maging mahinahon. "Maui, ano'ng aksidente?"
"Sir, i-iyong bus, patungo sa Maynila iyong b
