Kumuyom ang mga kamao niya. Mahigpit niyang pinigilan ang sarili na magsalita. Oras na ibinuka niya ang bibig niya, hindi malayong mangyari na masabi niya rito ang lahat.
Ayaw niya. Natatakot siya sa mangyayari dito.
Natigilan naman si Andriano nang mapansin nito ang pamumula ng ilong at mga pisngi niya. Nag-umpisa rin mangilid ang mga luha mula sa kaniyang mga mata.
Mabilis na lumambot ang kaninang galit na mukha ng lalaki. "Patti."
Umangat ang kamay nito at pinahid ang mga luhang naglandas sa kaniyang pisngi. Tinabig niya ang kamay nito at pilit na binaling ang mukha sa ibang direksiyon.
Ganoon ba siya kadaling kalimutan ng puso nito? Paano nito nagawang bumigay na lang sa babaeng sumira sa kanila?
Mabilis na hinubad ni Andriano ang puting polo na suot nito saka isinuot iyon sa kan
