MULING umagos ang masaganang luha sa magkabilang pisngi ni Maggie. Umiiling ito habang pilit pinapalis ang mga luha, saka mapait na ngumiti.
Matagal niyang tinitigan ang mukha ng dalaga. Nang bumaling ito sa kaniya, napagmasdan niya ang namumungay at naluluha nitong mga mata. Namumula ang mga labi nitong unti-unting lumapit sa kaniya.
Ilan sandali pa, tuluyan itong pumikit nang maglapat ang mga labi nila. Hindi siya kumilos, at hindi siya umiwas. Nanatili siyang nakaupo, nakamulat ang mga mata.
Naramdaman niyang tila gustong pumasok ng dila ni Maggie sa kaniyang bibig, pero nanatili siyang tikom. Dahil doon ay binawi nito ang mga labi at marahan na dumistansiya.
Tila napapahiya itong nagbaba ng mukha. "I'm sorry. S-sorry, Andriano. What have I done? Hindi ito tama. A-ang nangyari sa at
