Bigla siyang natigilan sa narinig. Bumaba ang paningin niya sa isa pang kamay nito, naroon ang engagement ring na sinabi nitong ibinigay ni Andriano rito. Pero bakit hindi iyon ang ipinapakita ng babae? At ayon dito kahapon, bibigyan nito ng couple ring ang lalaki bilang regalo nito.
"If you don't have anything else to say, you can go—"
"Bakit?" putol niya sa litanya ng babae.
Inarkuhan siya nito ng isang kilay. "What?"
"Bakit ang asawa ko pa? Bakit sa dinami-rami ng lalaki, si Andriano pa?"
Natawa ito na para bang nang-uuyam. Tinitigan siya mula ulo hanggang paa. "Dahil alam kong magiging madali siyang akitin."
"Magiging madali?"
"No offense, pero kung ako ang magkakaroon ng asawang kasing-taba mo, madali lang din akong maaakit sa iba. I mean, uhaw siyang makakita at makatikim ng m
