HUMINTO ang kotseng minamaneho ni Andriano sa tapat ng isang bahay na yari sa kahoy. Dalawang pangkat iyon at may kalumaan na. May kalayuan din mula sa town.
Sinilip niya mula sa kinauupuan ang kabuuan ng bahay bago nilingon ang dalagang nasa passenger's seat. Nakangiti ito pero halata mong nahihiya sa kaniya.
"Maliit, ano? Nakakahiya. Salamat sa paghatid sa akin, ha?" Kinalas ni Maggie ang seatbelt at akmang hahalikan siya nang muli siyang magsalita.
"Dito ka nakatira?"
Napatigil ito sa gagawin at awkward na tumawa. Tumango ito habang iniipit ang ilang hibla ng buhok sa likuran ng tainga.
"Ito na ang pinakamura, e. Kailangan ko kasing magtipid." Huminga nang malalim si Maggie bago iyon ibinuga. Ang mukha ay nakabaling sa labas ng bintana. "Kung gusto kong hindi magutom, kailangan kon
