KATATAPOS pa lamang maligo ni Patti nang marinig niya ang tunog ng cell phone niya, hudyat na may natanggap siyang text. Inaasahan na niyang hindi ito ang mister na si Andriano, pero hindi niya inaasahan ang bumungad sa kaniyang pangalan.
"Hey, Patti! This is your friend Maggie."
Ayaw niya sanang pansinin ang mensahe nito kahit pa nagtataka siya kung paano nakuha ng babae ang numero niya. Subalit sa sumunod nitong text, matagal siyang natigilan.
"I just want to ask you a question. I hope I'm not being abala na naman. Nasa office na ba si Andriano o nasa bahay n'yo pa lang?"
Humigpit ang hawak niya sa kaniyang cell phone. Hindi niya alam kung sinasadya ba ng babae ang ginagawa nito o ano. Pero pakiramdam niya, sinadya ito ni Maggie para inisin siya.
Kilala na niya ang dalaga. Sa landi
