PABALIK-BALIK ng lakad sa loob ng silid si Tricia. Hindi siya mapakali, namamawis ang mga kamay niya at inaatake siya ng anxiety.
Ano'ng nangyayari? Bakit pinatay ng mga lalaki kanina si Peanut at ang iba pa? Tauhan kaya sila ni Hilda?
Mariin siyang pumikit. Natigil lang siya sa malalim na pag-iisip nang marinig ang boses ni Sergio sa labas ng kuwarto.
"Get out of my way," malaawtoridad na utos ng lalaki. Dali-dali siyang lumapit sa pinto at mas lalong nakinig sa usapan sa labas.
"Boss, hindi puwede—"
"I need to talk to Tricia."
"Hindi nga puwede—ugh!"
Napatakip siya ng bibig nang makarinig ng malakas na hiyaw. Sa tingin niya ay nagkapisikalan na naman sa labas. Maikli pa naman ang pasensiya ni Sergio sa mga tauhan nito.
"Kung gusto n'yo akong pigilan, kakailanganin n'yong iputok a
