BUMAGSAK ang katawan ng lalaki matapos itong balian ng leeg ni Sergio. Ganoon din ang nangyari sa isa pang lalaki nang ilang ulit itong pagsusuntukin sa mukha ni Sergio bago ito sinipa sa lalamunan.
Nakatago naman siya sa gilid ng puno. Puno ng pag-aalala ang buong mukha habang nakatanaw sa lalaki. Dadamputin pa sana nito ang isang b***l, pero napasigaw siya nang paputukan ng kung sino ang b***l na nasa lupa, dahilan upang hindi ito makuha ni Sergio.
"Sh*t!" Mabilis na humakbang paatras si Sergio nang dumating ang isang lalaki.
Tumayo ito hindi kalayuan mula kay Sergio. Tuwid ang tindig habang nakatutok sa binata ang b***l nito.
"Kilala kita. Ikaw ang bagong driver ni Andriano."
Natigilan siya at nanlaki ang mga mata sa narinig. Mariin niyang pinagmasdan ang mukha ng lalaki nang alis
