NAPAHIYAW si Tricia nang pagbabarilin sila ng mga tauhan ni Hilda. Mabilis siyang hinawakan sa ulo ni Andriano at pilit na pinayuyuko. Mas lalo nitong binilisan ang pagmamaneho ng sasakyan.
Sinubukan pa niyang lumingon sa pinanggalingan nila nang wala nang bumabaril sa kanila. Naabutan ng mga mata niya ang pagdating ng tatlong itim na mga sasakyan at ang pagbaba ng maraming lalaki.
Hindi nga lang niya alam kung tauhan din iyon ni Hilda dahil mabilis na kumanan ang sinasakyan nila ni Andriano.
"God! What do we do? S-si Sergio! He can't die, Andriano!" Naluluha siyang bumaling sa lalaki.
Natigilan naman siya nang makita itong nakapokus lang ang mga mata sa daan. Nakita niya ang pamamasa ng gilid ng mga mata nito, maliban doon ay napansin niya rin ang mga pasa nito sa mukha. Putok ang gil
