MALAKAS na kumabog ang dibdib ni Patti sa sinabing iyon ni Aldrin. Pakiramdam niya ay nabingi siya at tanging iyon na lamang ang naririnig.
"Kinabahan ka, ano?" Biglang napatawa ang lalaki kasabay nang paghampas nito sa manibela ng sasakyan. "Ano ka ba? Nagbibiro lang ako!"
Nagpatuloy ito sa pagtawa habang siya, halos maluha na dahil sa ginawa nito. Mabilis na nagtaas-baba ang dibdib niya. Para siyang nabunutan ng tinik sa dibdib, pero sa parehong oras, dama pa rin niya ang sakit dahil sa pag-aakalang totoo ang mga sinabi nito.
"Lumayas ka na sa pamamahay ko!" Inis siyang bumaling sa malayo habang nakahawak sa tapat ng dibdib niya.
"Oh, bakit na naman? Ano'ng nagawa ko?" Nagpabalik-balik ang tingin nito mula sa kaniya at sa daan.
Hindi siya nagsalita at nagpatuloy lang sa pagtitig sa
