MATAGAL na nakatayo sa bungad ng sementeryo si Andriano. Tahimik na pinagmamasdan ang libingan ni Miyong mula sa kinatatayuan.
Gusto niyang lapitan ito pero hindi magawa ng mga paa niya ang humakbang. Pakiramdam niya, oras na nakita niya ang pangalan ng lalaki sa lapida, ibig sabihin ay tuluyan na itong mawawala sa kanila.
Napahawak siya sa semento na nasa ibabang bahagi ng tarangkahan ng sementeryo. Naninikip ang dibdib niya kasabay ng panlalambot ng kaniyang mga tuhod.
Ang lalaking itinuring na niyang pangalawang ama, wala na ito ngayon. Wala na ang tatay ng asawa niya at nasisiguro niyang nang dahil ito sa kaniya. Inatake ito sa puso noong araw na bumalik si Patti. Ibig sabihin, hindi nito kinaya ang dahilan ng pagbabalik ng anak.
Lumakad siya hanggang sa malapitan ang libingan ni M
