MAY ilang segundong nagkatitigan sina Maggie at Mrs. Red. Makikitaan agad ng pagkabahala ang mukha niya. Nang dahil dito ay muli na naman umangat ang kilay ng babae.
Binawi niya ang paningin at sinubukang ibaling sa pagkain ang atensiyon, subalit hindi niya mapigilan ang panginginig ng kamay tanda ng matinding hilakbot.
Sa kamay naman niyang nanginginig nakatutok ang mga mata ni Mrs. Red. May ilang segundo nitong pinagmasdan iyon bago umangat sa ere ang kamay nito at pinitik ang dalawang daliri.
Natigilan siya nang pumasok sa dining room ang kanang-kamay ng babae. May dala itong maliit na tray kung saan makikita ang isang injection.
"Lumabas ka na agad, Doro. Hindi mo ba nakikita? Natatakot si Maggie sa iyo!"
Tinapunan siya ng tingin ni Doro at nginisian bago ito tuluyang umalis. Nili
