NILAPAG ni Tricia ang wine na dala matapos nilang makauwi ni Andriano mula sa ospital. Gabi na noong mga oras na iyon, pareho silang pagod pero pareho ring kumakalam ang kanilang sikmura sa labis na pagkagutom.
"Aayusin ko lang ito. Maupo ka muna." Hinalikan siya ni Andriano sa pisngi bago pinaghila ng upuan.
Nasa kusina na sila ng kanilang bahay sa Amadeo. Nag-inat pa siya dahil sa isang buong araw na nakakapagod na trabaho.
Isang taon na ang lumilipas simula nang mangyari ang mga kaganapang iyon sa buhay nila. Isang taon na rin mula nang ikasal silang muli ni Andriano. Umalis na sila sa mansiyon ng mga Villafuerte at doon na lamang tumira sa bahay nila sa Amadeo.
Marami ang nangyari sa nakalipas na isang taon, pero lahat, puro magagandang bagay lamang. Tinanggap niya ang Villafuerte
