MATAGAL silang nagkatitigan ni Tricia. Katulad niya ay wala ring imik ang babae, tila hinihintay na lang na magpatuloy siya sa pagsasalita.
Napakahirap sa kaniyang bitiwan ang mga katagang iyon, lalo na ang aminin dito at sa sarili ang kaniyang kasalanan. Pero kaysa ang mahuli siya, mas nanaisin niyang tanggapin ang lahat ng galit nito ngayon, kaysa ang maghiwalay sila nang may pagsisisi siya sa puso.
"Aalis ako, hindi ko na ipipilit ang sarili ko sa iyo." Ngumiti siya nang may luha sa mga mata. "Pangako, hindi na kita gagambalain, pero please, hayaan mo muna ako sa tabi mo. Hayaan mong maayos ko muna ang lahat bago ako umalis."
Nagsusumamo niyang kinuha ang dalawang kamay nito, hindi inaalis ang mga mata sa pagkakatitig sa mukha ng babae habang marahang lumuluhod sa paanan nito.
"Aali
