MULA sa kaniya ay umikot ang paningin ni Tricia sa paligid nito, nagmamalaking ipinakita sa lahat ang maganda nitong mukha.
"Nagtataka siguro kayo kung sino ako." Sumilay ang makahulugang ngiti sa mga labi nito.
Umugong naman ang bulong-bulungan sa loob ng simbahan. Nagsimulang manginig ang mga kamay niya habang nakatitig sa mukha ng babae, bakas doon ang pait at galit kahit pa nakaguhit ang ngiti sa mga labi.
Sa mismong harap ng mga taong dumalo, ipinakilala ng dalaga ang sarili. "Ako lang naman si Patricia Garcia, ang dating asawa ni Andriano Villafuerte na pinagtaksilan niya para sa babaeng iyan!"
Umangat ang hintuturo nito at dinuro si Maggie na nasa kaniyang tabi. Lumaki ang awang sa bibig nito nang marinig ang sinabi ni Tricia. Halata ang matinding gulat sa buong mukha.
"Ang bab
