"WOW!" Hindi alam ni Patti na ganoon kabigat na tao pala ang sinigaw-sigawan niya noon sa sementeryo.
"Alam mo ba? Ikaw lang ang hindi na-intimidate sa kaniya. Nagawa mo siyang pagsalitaan nang ganoon." Nakangiti itong pumalakpak nang mahina.
"Dapat ko bang ika-proud iyon?" Bigla siyang nakaramdam ng gutom sa stress. Inabot niya ang isang strawberry at sinawsaw ito sa chocolate sauce bago sinubo nang buo. "Baka sa susunod na pagkikita namin, ilampaso niya na ako sa sahig."
Natawa si Sergio. "Don't worry, nasa tabi mo lang ako. Isa pa, that's two years from now. We still have time to prepare."
Itinaas niya ang isang kamay para patigilin ito sa pagsasalita. "Paano kung hindi pa rin siya umalis? K-kung ayaw ka pa rin niyang pakawalan? Ano'ng gagawin mo? Pagbabayarin mo ba ako sa lahat ng
