Nilingon niya si Sergio nang marinig ang sinabi nito. Malungkot siyang tumango, pero kapagkuwan ay nagsisi rin sa ibinigay ritong sagot.
Nagmukha lalo siyang kawawa sa pag-amin niya. Bakit ba kasi kampante na agad siya sa lalaki kahit na hindi pa naman talaga sila magkakilala?
"Normal lang iyan. Kinasal kayo at minahal mo siya nang tapat. Hindi mo kasalanan na gago ang asawa mo."
Nakagat niya ang ibabang labi nang makaramdam ng awa sa sarili at inis para kay Andriano. Nangyari na ang mga nangyari. Kahit gaano pa kasakit ang ginawa sa kaniya ng dating asawa, napasaya pa rin siya nito.
Ayaw na niyang magtanim ng galit para sa lalaki dahil gusto niyang palayain ang sarili mula sa sakit. Magbabagong-buhay na siya, bagong buhay na hindi ito kasama.
"Oras na nagawan ka na ng pekeng passport
