MARAHANG umupo ang dalagang si Maggie sa silyang nasa tabi ng kama ni Andriano. Nakatingin siya sa lalaki habang may malaking ngiti sa kaniyang mga labi.
Matalim naman ang mga mata ni Andriano. Salubong ang kilay nito habang mataman na nakatingin sa kaniya.
"Nawala ang memorya ko sa nakalipas na limang taon."
Mabilis siyang tumango sa sinabi nito. "Alam ko, nabalitaan ko."
"Bakit ikaw ang naaalala ko? Sino ka ba sa buhay ko?"
Mula sa mukha ng lalaki ay bumaba ang paningin niya. Hindi niya alam kung saan mag-uumpisa. Ni hindi niya rin alam kung ano ang relasiyon nila na sasabihin niya rito.
"Anong ibig sabihin niyan?" Hinagis ni Andriano ang litratong hawak nito bago sumandal sa unan. Bumagsak iyon sa kandungan niya.
Natigilan siya nang makita ang prenup photo nila ng lalaki. Kinuha
