NAKANGITING tinitigan ng dalagang si Maggie ang sarili sa harap ng maliit at bilugang salamin na hawak niya. Katatapos niya lang maligo at makapag-apply ng light make up.
Tumayo siya at lumapit sa lumang aparador na hanggang baywang niya lang ang taas. Makikita sa ibabaw niyon ang mga mumurahing make up at ilang kagamitan para sa paglilinis ng katawan.
"Katty?" Nakaarko ang kilay na lumingon siya sa pinto ng kuwarto.
Si Katty ang kolehiyalang roommate niya. Hati sila ng dalaga sa pagbabayad sa silid na iyon. Karamihan sa laman ng kuwarto ay pag-aari nito at nakikigamit lang siya.
Nang walang sumagot sa tawag niya at wala ring narinig na ingay mula sa labas, nakangiti niyang inisa-isang pasadahan ng tingin ang mga lipstick sa ibabaw ng aparador na pag-aari ng babae.
"Masama ang maging
