KULONG SA DALAWANG bisig ni Maria ang bunsong anak nang dalhin niya ito sa terrace. Masayang masosolo niya ito doon at malayang mapagmamasdang mabuti.
Ilang beses siyang pinigilan ng ina ni River ngunit hindi siya nagpatinag ng hawakan at pigilan siya nito. Pinakita niya sa matanda na kahit anong pigil nito ay hindi ito mananalo. Hindi na ito nakapalag pa dahil sa dami ng mga taong mapagmatyag sa kanila. May init at takot sa mga mata nitong hinayaan siyang gawin ang gusto. Kahit hindi niya ito lingunin, nakasunod ang matatalim nitong mga mata sa kaniya. Ngunit kung hindi ito papayag sa kagustuhan niya gagawa na siya ng hakbang at doon magsisimula ang malaking iniiwasan sa pagitan nilang dalawa.
Hinaplos niya ang pisngi ng bunsong anak habang ang kainosentihan ng bata ay paikot-ikot lam
