After 7 months.
"Nakalabas na ba ang apo ko?" Excited na tanong ng Mama niya nang magtungo ito sa Donya Feliza Hospital.
Nasa delivery room na si Ziyah at kasalukuyan ng nanganganak ngayon. Kanina pa siya pabalik-balik sa may pasilyo, hindi malaman ang gagawin sa kaba. Kasama niya ang Mommy ni Ziyah na bumaba muna sandali para bumili ng tubig.
"Mama," tawag niya sa ina at humalik sa pisngi ng ina. Isang linggo ng nasa San Miguel ang Mama niya hinihintay nito ang panganganak ni Ziyah.
Iniwan sandali ng Mama niya ang Papa niya sa Los Angeles kasama si Ysa, para makauwi ito at masilayan ang apo nito. Excited pa nga ito kesa sa kanila ni Ziyah, dahil pagdating nito ang daming dalang pasalubong na gamit pambata.
Tuwang-tuwa naman si Ziyah dahil hindi na daw malamig ang pakikitungo ng Mama
