Ibinagsak ng heneral ng pulisya ang mga investigation report patungkol kay Mac Cortel. Ang matagal na kriminal na nilang pinaghahanap. Patong patong ang kaso nito at lalo siyang namroblema ng mabalitang namatay ito.
"Isarado na ang kaso." mataman na sabi nito.
Agad umabante si Rain na kasalukuyang nakatayo sa harapan nito. "Pero general--"
"Kapag pinagpatuloy pa yan, lalo lang iingay ang media. Isang buwan din natin yan trinabaho, maganda na rin na pinatay niya ang sarili niya. Sa dami ng krimeng nagawa niya, kahit mabuhay pa siya ay mabubulok lang din siya sa kulungan."
"Hindi suicide ang nangyari. Imposibleng suicide, ang tulad ni Cortel ay pipiliin pumatay kesa magpakamatay." giit ni Rain.
"Tumigil ka na Marquez, iniipit na ako ng mga nasa itaas. Pinapasara na ang kaso sa lalong ma
