ARAW NG SABADO noon, mabilis na inayos ni Kristen ang hinigaan. Tinanghali siya ng gising. Wala siyang pasok dahil wala naman ng gagawin. Basta ang usapan nila ng boss, kapag natapos niya ng Friday ang mga mahahalagang tasks, kahit hindi na siya pumasok ng Sabado.
Actually, si Kendra nag-suggest sa boss niya na i-offset na lang, kaya ayo, simula Monday to Friday, nag-OT siya ng isang oras. Tinatapos niya na talaga ang mga gawain. Buti na lang boyfriend ng kaibigan niya ang boss, madali na kausap.
Naghilamos at nag-toothbrush siya bago lumabas ng silid. Hindi niya maiwasang mapapikit nang maamoy ang aroma ng niluluto. Alas-dies na noon. Hindi na pang-almusal ang ihahain. Wala namang ibang nagluluto kung hindi si Dave.
Pansin niya nitong nakaraan, lagi itong nagluluto lalo na sa gabi. Ma
