BIGLANG NAPATAGO SI Kristen sa likod ng asawa. Natatawang nilingon naman siya ni Dave. Kung kailan kasi malapit na sila saka siya umaakto ng kakaiba.
Sino ba naman ang hindi? Pamilyar sa kan'ya ang babaeng lumabas ng malaking mansion! Mukhang paghuhugasin siya nito ng mga pinggan ng mga trabahador kung sakali. Sana mali ang hinala niya ngayon.
Sana hindi!
"P-patingin nga ako ng picture ng Mommy mo, Daddy," aniyang kinakabahan.
"Why?" Hindi mawala ang kunot noo nito.
"Basta. Patingin, please!" pakiusap niya sa asawa.
Kahit naguguluhan si Dave. Hinanap pa rin nito sa telepono ang litrato ng ina nito.
Tumingin siya sa pintuan ng mansion. Nandoon pa rin ang babaeng iyon. Ang ganda-ganda ng suot nito.
"Here."
Hinablot niya ang telepono nito pagkasabi. Muntik na siyang mawalan ng pa
