NAPAPITLAG SI KRISTEN nang may narinig na boses. Ang lalim pa naman ng iniisip niya ng mga sandaling iyon.
"We’re here," anunsiyo ng driver na ikinalingon niya.
Saglit na tinitigan niya ito pagkuwa'y inilinga ang paningin bago ibinalik ang tingin ulit dito. Hindi niya maiwasang mapakuno ang noo nang tumitig dito.
Nahigit niya ang paghinga nang lumapit ito para tanggalin ang seatbelt na nakakabit.
Napasinghot siya nang maamoy ang pamilyar na pabango. Napatitig siya rito. Matagal siya bago nakahuma.
"D-Daddy…" aniya sa asawa.
"Nandito na tayo." Tumingin ito sa kan'ya.
"Saan?"
Gumalaw ang kilay nito. "Restaurant. Kakain ng dinner."
Napa-ah siya sa sinabi ng asawa. Oo nga pala, nabanggit nga pala nito kanina.
Tapos na nitong tanggalin ang seatbelt niya kaya lumabas na ito para pag
