KAGAYA NG SINABI ni Blake, walang special treatment sa opisina. Siya ulit ang sekretarya nito. Hindi niya akalaing magre-resign kaagad ang kasalukuyang sekretarya nito. Talaga palang panay sigaw ng boss sa empleyado nito, lalo na nitong mga nakaraan dahil sa papalit-palit na mga empleyado, kasama na ang bagong sekretarya. Dinaig pa ang may regla ito, ayon sa pinalitan niya. 'Di na siguro natiis kasungitan ni Blake. Hindi naman ito ganoon kasungit. May pinagdadaanan lang. Tanging si Kendra lang nagpapakalma dito.
Naging masaya siya sa araw-araw na pagpasok ulit sa HGC. Hindi siya naa-apektuhan sa boss. Parang wala lang sa kan'ya ang kasungitan nito. Nababara niya nga minsan. Oops, minsan lang. Laking pasalamat niya dahil ang boss lang niya ang tanging nakakaalam ng pagkatao niya. Baka mam
