"Dalian ninyo, guys, baka mahuli tayo sa pagsamba," paalala ni Alyssa na nakasilip sa pintuan namin dalawa.
"We are coming out," malamig na pahayag ni Viro.
Ako ay sinusuklay na lamang ang aking buhok at matapos iyon ay hinila na ang bag saka inaya si Viro na magtungo na sa labas.
Alas nueve y media na at ilang minuto na lamang ay maaring magsara na ang Kapilya.
"Saan si Lola?" tanong ko. Inginuso ni Kuya Jiro sa labas. Nagkakape pa kasi siya doon sa sala.
Nagpaalam ako na lalabas na at sasamahan si Lola sa labas. Si Alyssa na siyang nagmamadali ay nagsusuot pa lamang ng sapatos ngayon, nadaanan ko sa may gilid ng pintuan.
Naabutan ko si Lola na siyang palabas na sa may teresa at patungo sa sasakyan ni Kuya Gio. Sa tabi naman noon ay ang kay Kuya Jiro na sasakyan, nakahanda na
