Hindi ko alam kung paano ako magre-react sa suhestiyon ni Carina. Nag-iisip ba siya? Paano kung may tauhan doon ang kaniyang ama na maaring dakipin kami?
“Nasisiraan ka na ba? Napaka-delikado niyang binabalak mo, Cari!” may diin ang bawat pagsambit ko ng mga salita dahil nais ko na maunawaan niya iyon.
“But what will happen if we do not risk it, Riva? How are we going to help them?” aniya.
Pinatay ko ang telebisyon at saka sumagot sa kaniya.
“Malaking problema sakaling pati tayo ay madi-disgrasya, Cari,” paliwanag ko.
“Alam ko naman iyon. Ang kaso limitado lang ang oras at hindi natin alam kung ano ang maaring gawin noong lalaking iyon sa kanila,” aniya.
Bumuntong hininga ako at magsasalita na sana ngunit hindi ko iyon naituloy nang ma-realized ko ang kaniyang
