Pino ang bawat kong lakad, takot na makagawa ng ingay sa hindi malamang dahilan. Nakaririnig pa rin ako ng usapan iyon nga lang ay hindi ganoon kalakas tulad ng kanina.
Nagpasya ka na, Riva, sambit ko sa isip ko.
"Tawagin mo na ang kapatid mo, Apo." Ang narinig kong sambit ni Lola. Narinig ko rin ang pag-urong ng isang upuan kaya naman hindi ko na hinintay pa na makalabas si Viro at nagdiretso na sa loob.
Namataan ko nga na patayo pa lamang siya sa upuan habang si Lola ay palapit sa mesa habang hawak ang transparent bowl na naglalaman ng sa tingin ko ay sinabawang baboy. Parehas na nakaupo si Nurse Gio at Alyssa at si Nurse Jiro ay naglalapag ng pinggan.
Sabay-sabay silang nagbaling sa akin ng tingin. Nginitian nila ako maliban sa dalawa, tanging pagtango lamang ang nagawa ko at du
