"MOMMY, NAG-AAWAY PO ba kayo ni Tita Ria?" inosenteng tanong ni Gray kay Madison habang nasa loob sila ng sasakyan.
Umiling siya kahit hindi dapat. Bata pa si Gray at hindi pa nito dapat malaman ang ganoong bagay. At kahit nag-away sila ng bruhang si Ria, kailangan niyang baligtarin ang sitwasyon alang-alang kay Gray.
"No, baby. Hindi kami nag-aaway. We're just talking. Bakit mo naman natanong?"
"Kasi po ang sama ng tingin sa inyo ni Tita Ria. Her eyes are scary po. At sinabihan pa po kayo na ng poor like rats. Wala naman pong masama sa pagiging mahirap, hindi po ba, mommy?" Then Gray pouted.
Tumango siya. "You're right. Walang masama kung mahirap ang tao. Huwag mong pansinin ang sinabi ni Ria dahil hindi ko siya kapantay. Masama ang ugali niya. Sa susunod, huwag ka nang sumama sa kani
