"MALUNGKOT KA YATA, Madison."
Marahas na nagpakawala ng hangin sa bibig si Madison saka umupo sa sofa na nasa harap ng mama niya. Nakauwi na nga pala siya kahapon. Gusto pa ni Clyde na manatili siya sa bahay nito pero tumanggi na siya dahil lubusan na siyang nahihiya. Her mother is right, she's sad because of what happened. Ngayon, nangungulila siya sa anak niya at halos buong araw yata siyang nakasimangot at ni hindi niya magawang ngumiti kahit sandali.
"Malungkot po talaga ako, mama. Nga pala po, kumusta na si Meriel?" kapagkuwan ay tanong niya rito.
"Nasa kuwarto, nagpapahinga na. Bumababa na ang lagnat niya kaya nagpapasalamat ako sa may kapal at lalo na sa iyo, Madison. Kung hindi ka nagbigay ng pera, hindi pa natin mailalabas ang kapatid mo. Bakit ka nga ba malungkot? Sino naman a
