SA araw-araw nila sa mansiyon ay palihim na sinusubaybayan ni Cyrhel si Tristan. May mga gabi na nagigising siyang wala ito sa tabi niya. Sa tuwina ay makikita niya ito sa isang bakanteng kuwarto, doon ay nakaupo sa sahig habang nakasandal sa pader at nanginginig ang katawan. Alam ni Cyrhel na nahihirapan ito sa sitwasyon. Hinahanap ng katawan ni Tristan ang droga pero tinitiis nito at naaawa na siya sa lalaking minamahal. Hindi na niya matiis na ganito ito palagi kaya nilapitan niya ang nagulat pang lalaki. Niyakap niya ito nang mahigpit at ipinadama ang pagmamahal niya.
“I know kung gaano mo tinitiis ang hirap para gumaling ka. I’m here para tulungan ka. Lilipas din at makaka-adjust ang katawan mo. Unti-unting mawawala sa katawan mo ang bisa ng droga. Magigising ka na lang isang araw
