ILANG beses ipinilig ni Ryan ang sariling ulo. Pinisil pa niya ang kanyang braso kung totoo ba ang nakikita niya.
Magkahalong emosyon at pangamba ang nararamdaman ng babaeng buntis. Natatakot siya sa anumang puwedeng mangyari. Agad niyang iniwan ang dalawa at nagkulong sa kuwarto.
Sa living room ay hindi alam ni Tristan ang gagawin, kung hahakbang o aatras ba siyang palabas. Si Ryan ay nalilito habang magkasalikop ang palad. Malakas ang kaba niya.
Dahan-dahang pumihit palabas ng pinto si Tristan. Hindi niya alam ang sasabihin nang tawagin siya ni Ryan.
“T-Tristan, p-pasok ka, maupo ka. Ah, d-drinks? A-Ah, I mean, kumain ka na ba?” Nagkakandautal at parang hindi alam ni Ryan ang sasabihin sa kaharap.
Inilang hakbang ni Tristan ang pagitan nila, mahigpit niyang niyakap ito. Matagal sil
