“MAKAKALABAS ka na, Ms. Sherly Xyra.”
Tahimik siyang lumabas siya ng selda. Napaatras siya nang makitang may kalalakihang nakaabang sa labas ng presinto. Hindi siya maaaring magkamali. Ang mga suot nitong uniform na black ay ang mga taong dumakip sa kanila.
“Miss, sumakay ka na.” Ngunit sa halip na sundin ang lalaking nakatayo sa gilid ng kotse ay nagmamadali siyang humakbang pabalik ng presinto.
Muntik pa siyang mapasigaw nang isang lalaki ang biglang lumitaw sa harapan niya. Walang alinlangang binuhat siya nito.
“Put me down! Saan ninyo ako dadalhin? Ayokong sumama sa inyo! Doon na lang ako sa loob ng kulungan!”
“Shut up, lady!” Saka walang-pakundangang ibinalibag siya sa loob ng kotse. Sinubukang buksan ni Xyra ang pinto kaya lang ay naka-lock iyon hanggang sa tuluyang sumakay ang
