MATAPOS MAGDILIG ni Tanya ng mga orchids ay muli siyang pumasok sa loob ng penthouse. Dumiretso siya sa may salas, sa malambot na sofa ay doon siya humilata ng higa.
Nagdilig lang naman siya ng mga halaman, pero dagli ang pagod na kaniyang naramdaman. Kung tutuusin ay magaan lang naman na gawain iyon. Hindi rin naman kasi siya nagbuhat ng mabigat.
Ipinikit niya ang mga mata. Hindi rin naman siya puyat, pero nakaramdam siya ng pamimigat ng kaniyang mga talukap sa mga mata.
“Sweetie, gusto mo bang matulog? Bakit hindi ka sa silid natin?” naulanigan ni Tanya na wika ni Karzon kaya nagmulat siyang muli ng mga mata.
“Okay lang ako rito,” aniya sa asawa. Nginitian pa niya ito.
Naupo si Karzon sa munting espasyo sa may gilid niya. “Mas magiging kumportable ka sa kama natin. Kaysa rito sa sof
