PERO BAKIT may takot sa puso niya na sumugal ulit sa isang Prix? Siguro dahil hindi na siya ang babaeng nakilala nito noon?
Nagbawi si Ayah ng tingin. Pakiramdam niya, wala siyang ibang maipagmamalaki kung ‘di anak lang niya.
“Ayaw mo?” untag sa kaniya ni Prix.
“Kung… kung makapag-alok ka, akala mo, nag-aalok ka ng candy sa bata.”
“Ayah, hindi naman kasi candy ang inaalok ko. I’m serious.”
“Prix,” aniya na saka lang ulit ito nagawang pagmasdan. “Hindi mo ba nakikita? O baka naaawa ka lang sa akin? Uulitin ko pa ba na ‘yong babaeng kaharap mo ngayon, malayong-malayo na sa babaeng nakasama mo noon?”
“Hayan ka na naman.”
“Totoo lang ako, Prix. Ngayon kasi, nasa realidad na tayo. Wala ng sekreto sa mga pagkatao natin. Ikaw, nasa totoong mundo mo na. Ngayon ko mas na-realize ‘yong pakira
