“PAGHIHINALAAN MO pa rin ba ang mga ‘yan?” ani Tanya sa kaniyang asawa na si Karzon. “Tingnan mo nga, bukod sa para silang mga sawa na magkalingkis doon, parang mga ibon ding nagtutukaan. Ikaw ba, Ayah, duda ka pa sa kanilang dalawa ni Sephany?” baling niya kay Ayah.
“Hindi, Auntie, tingin ko naman, okay silang dalawa. Saka, galing sa promenenteng pamilya si Thad. Parang hindi naman siya ‘yong tipo na gagawa ng kalokohan,” binalingan naman ni Ayah si Prix. “Bakit parang duda ka pa? ‘Yang hitsura mo parang tamang duda pa rin, eh.”
“Sweetie, parang nabibilisan ako,” tugon ni Prix sa asawa.
“Look who’s talking. Eh, noong na-in love naman kayo, napakabilis din. Para namang hindi ninyo pinagdaanan ang pinagdadaanan ngayon ni Sephany. At saka, ‘di ba nga isinekreto mo rin Prix ang relasyon ni
