“AYAH!”
Ngunit kahit ano yatang sigaw ni Prix ay hindi na rin siya maririnig pa ng babaeng pinakamamahal.
Sinubukan niyang humabol sa dalawang sasakyan na papalayo… ngunit hindi na niya kaya pa.
Para siyang nauupos na kandila na napaluhod sa lupa habang tinatanaw ng nanlalabo niyang mga mata ang sasakyang papalayo.
Baka naman hindi sinasabi sa iyo ni Ayah na nakatakda na siyang ikasal?
Napasigaw siya nang malakas sa sobrang bigat ng nasa dibdib niya. Para bang bigla ay dinukot ang puso niya. Sobrang sakit ng kaniyang nararamdaman.
Sa isang iglap, ganoon na lamang kabilis mawala ni Ayah.
Hahabulin pa ba niya ang babaeng nakatakda na palang ikasal sa iba? Kaya ba sinabi noon ni Ayah na gusto nitong sulitin ang pananatili sa San Diego dahil ikakasal na pala ito sa iba?
Siguro, kaya hi
