PIGIL-PIGIL ni Sephany ang mapatawa nang makita ang gulat na reaksiyon ni Thaddeus nang makita siya.
“Hindi po ba kayo naniniwala na asawa ko ‘yang lalaking ‘yan? Gusto ninyo ng prof?” aniya sa mga security guard na akmang lalapitan si Thaddeus para hagkan sa labi nang mabilis siyang ilayo ng mga ito sa kaniyang asawa.
Saka lang nakahuma si Thaddeus sa pagkagulat at agad hinila sa kamay si Sephany palayo sa mga humawak sa kaniyang security guard.
Tumikhim si Thaddeus. “She’s my wife,” pagkumpirma ni Thaddeus.
“Totoo, Sir? Baka nagagandahan lang kayo kay Ma’ma, ha?” tamang duda pang wika ng isang guard.
“Puro kayo tamang duda,” ani Sephany na yumakap pa kay Thaddeus. “See? Mag-asawa kami. Gusto kong surpresahin ang asawa ko. Tapos kayo, pinaghihinalaan agad ako ng masama. Ayaw ko naman
