HINDI namalayan ni Sephany na nakatulog pala siya sa mahabang sofa sa may back porch. Nagising siya na namulatan na lamang ang kaniyang kinaroroonan. May blanket din na nakakumot sa kaniyang buong katawan. May electric fan din na umiikot sa may bandang paanan niya.
Gusto niyang isipin na si Thaddeus ang may pakana niyon. Ngunit may mga kasambahay roon na maaari din na siyang gumawa niyon para sa kaniya.
Ganoon pa man ay tila ba tama talaga siya ng naisip. Deep inside ay mabait din si Thaddeus. Hindi lang as in showy.
Kahit paano, bago niya tuluyang tapusin ang kabaliwan niya sa binata, naranasan naman niya na naging mabuti itong tao sa kaniya.
Bumangon na siya at tiniklop ang kumot. Ayaw naman niyang iwan na lamang niya iyon basta sa sofa. Nasa ibang bahay siya kaya kailangan niyang ma
