NANG araw na iyon ay ang siyang nakatakdang pagdating ng pamilya ni Prix. Naging abala ang farm sa araw na iyon. Sa hindi kalayuan sa ancestral house, madaling araw pa lamang ay naggagayak na ang mga tauhan ng farm para sa ile-lechon na baboy.
Nanigurado naman si Prix sa mga magulang ni Ayah na tiyak na may dalang mga pagkain ang pamilya nito pagpunta roon ngunit ang ama ni Ayah ay hindi pumayag na walang maihahain sa pagdating ng pamilya ni Prix.
Nagpakatay pa ang ama ni Ayah ng baboy at baka para sa lulutuing mga putahe. Animo fiesta tuloy ang datingan para sa pamamanhikan na iyon nina Prix sa kanilang bahay.
Wala namang masasayang na pagkain dahil maraming tao sa farm na maaaring kumain ng mga handa.
Tumulong din si Ayah sa kaniyang ina sa kusina kahit na pinagbawalan siya. Wala nam
