HAWAK NI Prix ang isang kamay ni Ayah habang naglalakad sila papunta sa ilog. Si Prince naman ay karga ni Prix sa kabila nitong kamay para hindi na maglakad pa si Prince papunta sa paboritong ilog ni Ayah.
Nakasunod naman kina Prix ang limang bodyguard nito na nais ding makarating sa may ilog. May dala ring pagkain na maaari nilang makain doon, folding chair, banig, mga tuwalya at pamalit. Mga nakasuot lang din ng panligo ang mga ito at mga gustong magsiligo sa ilog nang ipaalam ni Prix kung saan ang kanilang punta. Bagay na hindi naman tinutulan ni Prix para naman daw makapag-enjoy rin ang mga iyon sa biglaang bakasyon na iyon sa probinsiya.
Nasa unahan naman nila si Zeb na gamay na gamay rin ang papunta roon.
Kapag nakikita ni Ayah si Zeb, napakalaki pa rin ng kaniyang panghihinayang
