UNTI-UNTING ipinikit ni Ayah ang kaniyang mga mata at hinayaan ang sarili na magpatangay sa halik na iyon ni Prix.
Buong akala rin niya kanina nang makita ito sa may labas ng rehas na gate na baka dinaraya lang din siya ng kaniyang paningin.
Ngunit nang mas mapagmasdan niya ito sa kinaroroonan nito, nakumpirma niya na si Prix nga ang lalaki na nasa may labas ng gate. Kahit may kaba sa dibdib kung tama ba na sundan niya ito ay hindi na niya napigilan pa ang kaniyang sarili na labasin ito nang buong ingat.
Wala na ito sa may gate nang makalabas siya ngunit naaaninag niya ang bulto na papalayo sa tulong ng liwanag ng buwan.
Buong ingat din siyang nagmadali na sundan ito. Nagtatalo pa ang isip niya na baka mamaya ay pinaglalaruan lang din siya ng kaniyang paningin ngunit hindi. Dahil hindi
