“UMINOM ka muna ng tubig, baka nauuhaw ka,” nakangiti pang wika ng babaeng bisita nina Tatay Lino. Kasama iyong dumating ng isang kakumpare ng matanda na limot niya ang pangalan.
Iniwan muna roon ang babaeng ito dahil sumaglit naman sa bukid ang magkumpare.
Ramdam ni Prix na attracted ito sa kaniya. Pero hindi naman siya magbibigay ng hint dito para magpatuloy pa ito sa kung ano mang nararamdaman sa kaniya. Kung maaari nga lamang sungitan ay ginawa na niya.
“Salamat,” aniya na nginitian pa ito matapos niyang ubusin ang tubig na laman ng baso. “Puwede bang lumayo ka muna? Magsisibak na ulit ako ng kahoy,” aniya rito.
Nang magpatuloy ulit siyang magsibak ay seryoso na naman ang mukha niya.
Hayon na naman siya. Idinadaan na naman sa pagsisibak ng kahoy ang pagka-miss kay Ayah. Naghintay
