INILIBOT ni Prix ang tingin sa loob ng dampa nina Tatay Lino. Sa madaling panahon, nayakap na niya ang payak na pamumuhay na mayroon ang mag-asawa.
Kina Nanay Inday at Tatay Lino niya literal na nakikita ang pagsasama na sa hirap at ginhawa ay habang-buhay pa ring magkasama ang mga ito. Iwan man ng mga anak na may kani-kaniya na ring buhay ngayon, hindi naman matitibag ang pagsasama ng mag-asawa.
Sana lang, kung dumating din sa punto na magkaroon siya ng asawa at pamilya, kasing tibay rin ng samahan ng mag-asawa ang maranasan niya. At sana, si Ayah na ang ibigay sa kaniya ng Diyos. Sana, pangmatagalan din katulad nina Tatay Lino at Nanay Inday. Hindi naman masamang mangarap ng gising. Sa buong buhay niya, ngayon lang siya nangarap sa isang babae na makasama sa habang-buhay. Takot siyang
