DAIG PA ni Sephany ang animo natuklaw ng ahas sa kaniyang kinatatayuan nang unti-unting ilayo ni Thaddeus ang mukha nito sa kaniya.
Hindi ba talaga siya nananaginip lang?
Totoong nasa harapan niya si Thaddeus?
And he even kissed her like it was a real kiss.
Napalunok siya nang makabawi. Bahagyang umawang ang labi niya ngunit wala siyang maapuhap na sasabihin.
“Hindi ka pa rin ba naniniwala na narito ako ngayon sa harapan mo?”
“F-for real?” ani Sephany nang makabawi.
“For real,” ulit nito sa kaniyang sinabi.
Nang bumaba ang tingin nito sa kaniyang labi ay agad niyang naitakip ang mga kamay sa kaniyang bibig. May pahalik-halik pa ito sa kaniya, samantalang hindi pa siya nag-to-toothbrush man lamang!
Hindi naman siya bad breath, pero kagigising lang niya.
Napalayo siya kay Thaddeus.
