PAKANTA-KANTA pa si Ayah habang naliligo nang umagang iyon. Hindi naman mukhang sobrang excited siya. Alas singko pa lang kasi ng umaga ay gising na ang kaniyang diwa at hindi na muli pang makatulog.
At dahil hindi siya makatulog, kaya naman inatupag na lamang niya ang pamimili ng isusuot na damit. Nahirapan pa siya. Pakiramdam kasi niya ay first date nila iyon ni Prix. Kahit hindi naman.
Siguro, dahil iyon ang unang beses na nag-aya ito na magkita sila. Iba pala sa pakiramdam kapag siya ang inaya ni Prix. Legit ang saya.
Matapos maligo ay agad niyang isinuot ang bestida niyang napili. Umabot lang ang haba niyon hanggang sa may tuhod niya. Sinuklay din niya ang kaniyang buhok na hanggang sa may baywang niya ang haba.
Naglagay rin siya nang kaunting kolorote sa kaniyang mukha para naman
