PAGKAGISING ni Ayah kinabukasan ay mayroon ng nakahandang almusal sa hapagkainan.
Simula nang dumating ang mga stay-in na kasambahay at personal chef ay hindi na kailangang pang gumising ng maaga ni Ayah. Pakiramdam tuloy niya, nakakapag-recharge siya. Dahil alam niya sa sarili niya na marami na siyang utang na pahinga sa kaniyang katawan simula nang abusuhin niya iyon sa trabaho noon.
Kumunot pa ang noo ni Ayah nang makitang gayak na gayak ang mag-ama niya. Parehas ding bagong ligo.
“May lakad ba kayong dalawa?” taka pa niyang tanong.
“Tayo,” pagtatama ni Prix sa kaniyang sinabi. Inalalayan pa siya nito sa pag-upo sa silya na para sa kaniya. “Kumain na po tayo. Then, saka ka maligo. Hihintayin ka namin ni Prince sa salas.”
“Hindi ka ba papasok sa trabaho?”
Umiling si Prix. “Hindi mu
