NANG IHINTO ni Prix ang kotse nito sa tapat ng malaking mansiyon na pagmamay-ari ng mga magulang ni Ayah ay grabeng kaba ang kaniyang naramdaman ng mga sandaling iyon. Kay rami ding alaala ang nagsibalikan sa kaniyang isipan sa isang iglap.
Ikinurap-kurap ni Ayah ang kaniyang mga mata habang nakatanaw sa labas ng kanilang bahay. Ang mga mata niya na dagling nag-ulap.
“Sigurado ka ba talaga na magiging okay rin ang lahat?” baling ni Ayah kay Prix. Ang mga mata niya ay pigil-pigil ang mapaluha.
Kinabig siya nito sa may batok niya para hagkan sa kaniyang noo. “Everything will be alright. Trust me, sweetie. Walang dahilan para hindi maging okay ang lahat. Let’s go?”
Sinulyapan muna niya si Prince na natutulog sa may backseat. May sarili itong upuan doon na pambata, child safety seat kung t
